ئەرشیوی مانگی سێهەمی ٢٠٠٧ی ئاژانسی دەنگوباسی مانشێت/ 5

هه‌ڵبژاردنی سه‌رکۆمار، رۆژه‌ڤی ناوخۆی تورکیایی داگیر کردووه
مانشێت نیوز، تایبه‌ت: که‌متر له 20 ڕۆژی تر، پارله‌مانی تورکیا، سه‌رۆک کۆماری تازه هه‌لده بژێرێ و ئه‌م یه‌که بۆته بابه‌تی مشتومڕی نێوان گرووپ و لایه‌نه سیاسیه‌کانی ده‌سه‌ڵات و ئۆپۆزیسۆن.
پارتی ئیسلامگه‌رای دادوگه‌شه به سه‌رۆکایه‌تی «ڕه‌جه‌ب ته‌یب ئه‌ردۆغان»ی سه‌رۆک وه‌زیر، به هۆی زۆرینه‌ی هه‌ژماری خۆی له پارله‌مان ده‌یه‌وێ، کۆشکی کۆمارری تورکیاش که شوێنی به‌رده‌وامی لایه‌نی لایک، نه‌ته‌وه‌په‌رست و نیزامیگه‌رایی، که‌ماڵیسته‌کانی تورکیا بووه داگیر بکات و به وه‌ده‌ست گرتنی سه‌رجه‌م ناوه‌نده‌کانی بڕیار و ده‌سه‌ڵات، په‌ره‌ به خۆی بدات و ڕێگه بۆ وه‌دی هێنانی ئامانجه‌کانی خۆش بکات و ئه‌وه له کاتێک دایه، که پارتی ئۆپۆزیسیۆنی گه‌لی کۆماری(جه‌هه‌په، CHP) به سه‌رۆکایه‌تی «ده‌نیز بایکاڵ»ی به قسه، سۆسیال دێموکرات و به کرده‌وه نه‌ژادپه‌رست و که‌ماڵیست، به توندی دژایه‌تی ئه‌م یه‌که ده‌کات و ده‌ڵێ که به هیچ شێوه ڕێگه به ئه‌ردۆغان و بیرۆکه‌ ئیسلامگه‌راکه‌ی له پارتی دادو گه‌‌سه نادات، ببێته سه‌رکۆمار و ژنه داپۆشراوه‌که‌ی بۆ یه‌که م جار له مێژووی تورکیایی نوێدا بباته ناو کۆشکی کۆماری «چانکایا».

ئاڵترناتیڤی بایکاڵ و CHP، که نیزێک به 150 پارله‌مه‌نته‌ری هه‌یه و پارتی دووهه‌مه، هه‌ڵبژاردنی پێش له‌ کاتی دیاری کراوی پارله‌مان بوو و به‌م هۆیه که پارله‌مانی ئێستا که هه‌ڵبژێدراوی ساڵی 2001ه ته‌عبیر له ئیراده‌ و خواستی تورکیای ئه‌مڕۆ ناکات بوو، به‌ڵام به نزیک بوونه‌وه‌ی هه‌ڵبژاردنی سه‌رکۆماری هه‌وله‌کانی بۆ دژایه‌تی ئه‌ردۆغان و AKP چڕتر کردۆته‌وه و به هه‌ڵبژاردنی که‌سێک که هه‌ر دوو لا له‌ سه‌ری کۆک بن، که‌ماڵیست بێت و ژنه‌که‌شی به حیجابی ئیسلامی دانه‌پۆشرابێ، ناڕازی نابێت.

«مه‌مه‌د ئاغار»، سه‌رۆکی پارتی ڕێگه‌ی ڕاست (DYP) مکه خۆشی له که‌سانی که‌ماڵیسته و کۆنه نیزامیه‌کی ده‌سترۆیشتووی ده‌وله‌تی شاراوه‌یه، جار هه‌یه که ئه‌ردۆغان به شایسته‌ی سه‌رۆکایه‌تی وه زیرانیش نابینێت و له سه‌ر ئه‌م بڕوایه‌یه که پێویسته سه‌رکۆماری نوێ، به به‌شداری هه‌موو لایه‌نه‌کان و به ڕێککه‌وتنێک بێت.

«ئه‌رکان مومجو»، سه‌رۆکی گه‌نجی پارتی «دایکی نیشتمان» واته «ANAP»یش له سه‌ر ئه‌م بڕوایه‌یه که پێویسته سه‌رۆکایه‌تی کۆمار به ده‌نگی ڕاسته‌خۆی، خه‌ڵک له هه‌ڵبژاردنێکی ئازاد دا، بێته دی و دژایه‌تی توندیشی له ئه‌ردۆغان، که هاوحیزبی پێشوویه‌تی ده‌رده‌بڕێ.

ئه‌وه له کاتێک دایه که، به پێی ڕاپرسیه‌کان، ئێستاش پارتی دادوگه‌سه‌ی ئه‌ڕدۆغان له سه‌ره‌وه‌یی هه‌موو حیزبه‌کانه و له سه‌تا 30ی ده‌نگه‌کانی به‌ده‌سته‌وه‌ ده‌بێت و کورده‌کانیش زۆربه‌یان به هه‌لبژێردرانی ئه‌ردۆغان و یا که‌سێک له AKP، بۆ سه‌رۆکایه‌تی کۆمار، ده‌نگ ده‌ده‌ن.

ئێران ده‌ڵێ به زوویی، مه‌له‌وانه ئینگلیزیه ژنه‌که، ئازاد ده‌کات

مانشێت نیوز، ناوه‌ندی هه‌واڵ: به گوێره‌ی هه‌والێکی مێدیاکانی تورکیا، موته‌کی، وه‌زیری ده‌ره‌وه‌ی ئێران له کۆبوونه‌وه‌ی وڵاتانی عه‌ره‌بی دا ڕایگه‌یاند که به زوویی، ژنه مه‌له‌وانێکی ئینگلزی که له ناو 15 گیراوه‌که دایه، ئازاد ده‌کات.

پاس ئه‌وه‌ی که تورکیا وه‌کو نێوبژیوان، هاته ناو کێشه‌ی گیرانی عه‌سکه‌ره  ئینگلیزه‌کان له لایه‌ن ئێرانه‌وه و پاش دیداری ئه‌ردۆغان و گوڵ له‌گه‌ڵ مارگارێت بێکێت، مه‌نوچه‌هر موته‌کی و پێوه‌ندی ته‌له‌فۆنی بلێر و ئه‌ردۆغان، ئێران ڕایگه‌یاندووه که ژنه مه‌له‌وانه گیراوه‌که ئازاد ده‌کات.

مێدیاکانی تورکیا وێڕای ڕاگه‌یاندنی ئه‌م هه‌واڵه وتیسیان که تورکیا هه‌وڵ ده‌دات که به‌رپرسانی ئێرانی ڕازی بکات، تا ئینگلیزه‌کان دیدار له‌گه‌ڵ گیراوه‌کانیان بکه‌ن.

ئینگلیز دیسان به به‌ڵگه‌وه‌ ڕایگه‌یاند که مه‌له‌وانه‌کانی هێزیا ده‌ریایی ئه‌م وڵاته نه‌چوونه‌ته ناو سنووری ئاوه‌کانی ئێران و ئه‌وه له کاتێت دایه که ئێران ده‌ڵێ مه‌له‌وانه‌کان خۆیان دانیان به‌مه داناوه که هاتوونه‌ته ناو خاکی ئێران و سنووری ئاوی ئه‌م وڵاته‌یان به نایاسایی به‌زاندووه و که‌ناڵی ئه‌لعاله‌میش، وێنه‌ی نوێی سه‌ربازه‌کانی به‌دیل گیراوی ئینگلزیزی، بڵاو کرده‌وه.

به گوێره‌ی دوایین زانیاریه‌کان، حکومه‌تی ئینگلیز، تا کاتی ئازاد کردنی گیراوه‌کان، ویزه ناداته به‌رپرسانی ئێرانی، سه‌رجه‌م پێوه‌ندیه‌ ئابووری و دیپلۆماتیکه‌کان ڕاده‌گرێ و تۆنی بلێریش هه‌ڕه‌شه‌ی کردبوو که له ڕێگه‌ی تره‌وه هه‌وڵی ئازادکردنی سه‌ربازه‌کانیان ده‌ده‌ن.

ئه‌ردۆغان له کۆبوونه‌وه‌ی وڵاتانی عه‌ره‌بیش، ده‌ستێوره‌ردانی له کاروباری عێراق و که‌رکووک کرد

مانشێت نیوز، تایبه‌ت: ئه‌ردۆغان، سه‌رۆک وه‌زیری تورکیا له لێدوانێک دا له میانه‌ی کۆبوونه‌وه‌ی وڵاتانی عه‌ره‌بی دا دیسان باسی که‌رکووکی کرد و ڕه‌وشی ئه‌م شاره‌ی به مه‌رسی دار وه‌سف کرد و ده‌ستی له کاروباری ئه‌م شاره و عێراق وه‌ردا.

«ڕه‌جه‌ب ته‌یب ئه‌ردۆغان» له میانه‌ی وته‌کانی دا له کۆبوونه‌وه‌ی وڵاتانی عه‌ره‌بی له ریاز وتی: که‌رکووک وێنه‌ی عێراقێکی بچووکه و نابی بکه‌وێته ده‌ستی گرووپ ولایه‌نێک و هه‌ر ئێستاش له‌م شاره خه‌ریکه ئاڵوگۆڕی مه‌ترسی دار ڕووده‌دات.

ناوبراو بارودۆخی عێراقی به گرینگترین مه‌سه‌له‌ی سیاسه‌تی ده‌ره‌وه‌ تورکیا ناوبرد و جه‌ختی له‌سه‌ر یه‌کپارچه‌یی خاکی عێراقی، به‌هێزی حکومه‌تی ناوه‌ندی، پاراستنی سنووره‌کان و گرینگی به ستاتویی تایبه‌تی که‌رکووک دا و پارچه‌بوونی عێراقی به ڕووداوێکی نه‌خوازراو ومه‌ترسی دار بۆ وڵاتانی دراوسێی عێراق و به تایبه‌ت تورکیا وه‌سف کرد.

ئه‌ردۆغان وتیشی که پێویسته یه‌کگرتوویی سیاسی و جۆگرافیایی عێراق بپارێزرێ و که‌رکووکیش نابی ببێته به‌شی لایه‌نێک و به هه‌رێمێکه‌وه بلکێته‌وه.

ئه‌ردۆغان، باسی له پێویستی ئاشتی نێوان عه‌ره‌به‌کان و ئیسرائیل و پێکهاتنی حکومه‌تێکی یه‌کگروو و به‌هێز له فه‌له‌ستین کرد و پێ ناخۆش بوونی خۆیشی له فاناتیزم و تۆنداژۆیی ئیسلامی ڕاگه‌یاند و وتیشی که نابی وسه‌ی تیرۆر و ئیسلام له پاڵ یه‌ک جێبگرن و ئیسلام به خراپ و تیرۆریست بناسرێت. هه‌روه‌ها نیگه‌رانی خۆی و وڵاته‌که‌سی له پۆلاریزه بوونی ناوجه به دوو لایه‌نی سوونه و شیعه‌، به مه‌رسی دا و کێشه‌ئامێز وه‌سف کرد.

مام جه‌لال و ئه‌ردۆغان بۆ یه‌که‌م جار له ڕیاز، دیداریان کرد

مانشێت نیوز، ناوه‌ندی هه‌واڵ: دیداری چاوه‌ڕوانکراوی، جه‌لال تاڵه‌بانی و ته‌یب ئه‌ردۆغان، سه‌ره‌نجام بۆ یه‌که‌م جار له ڕیازی عه‌ره‌بستان و له میانه‌ی کۆبوونه‌وه‌ی وڵاتانی عه‌ره‌ب دا پێکهات و 40 خوله‌کی خایاند.

که‌ناڵی‌ سی‌ئێن‌ئێن‌ تورک له هه‌واڵێک دا ڕایگه‌یاند که «جه‌لا تاڵه‌بانی» بۆ یه‌که‌م جار له پاش هه‌ڵبژێردرانی بۆ پۆستی سه‌رکۆماری عێراقی فێدراڵ له میانه‌ی کۆبوونه‌وه‌ی وڵاتانی عه‌ره‌بی دا له ریازی عه‌ره‌بستان له‌گه‌ڵ، «ره‌جه‌ب ته‌یب ئه‌ردۆغان»، سه‌رۆک وه‌زیری تورکیا بۆ ماوه‌ی 40 خوله‌ک و به ئاماده‌بوونی «هۆسیار زێباری»ش کۆبوونه‌وه‌ و مام جه‌لال له کۆتایی دا دیداره‌که‌‌ی به سه‌رکه‌وتوو و پۆزه‌تیڤ وه‌سف کرد و گوتی که هیوادارین له مه‌سه‌له‌ی تیرۆریسمه‌وه بگره تا که‌رکووک و کێشه‌کانی عێراق له‌گه‌ڵ به‌ڕێز ئه‌ردۆغان، به دیالۆگ چاره‌سه‌ری ده‌که‌ین.

شایانی باسه پاش هه‌ڵبژێرانی بۆ سه‌رۆکایه‌تی عێراق، یه‌که‌م جاره، به‌رپرسێکی باڵایی تورک مام جه‌لال ده‌بینێ و ئه‌وه‌ش دوایی ئه‌وه هاته ئاراوه که له دوایین کۆبوونه‌وه‌ی ئه‌نجومه‌نی ئاسایشی تورکیا دا، پێسنیارکرا که دیالۆگ له‌گه‌ڵ کوردان بکرێت بۆ چاره‌سه‌ری کێشه‌ی پ.ک.ک و ستاتوی که‌رکووک و عێراق.

گیراوێکی ئازه‌ری له گرتووخانه‌ی سنه له‌سێداره‌ درا

مانشێت نیوز، ڕۆژهه‌ڵاتی کوردستان: په‌یامنێرانی ڕێکخراوی مافی مرۆڤی کوردستان له هه‌واڵێک دا ڕایگه‌یاند که هاوڵاتیه‌کی ئازه‌ری خه‌ڵکی ورمێ به ناوی «حوسێن حاج مه‌جیدی»، به تۆمه‌تی کوشتنی مرۆڤ، له گرتووخانه‌ی سنه له‌سێداره‌درا.

به‌گوێره‌ی هه‌والێکی PRMMK، هاوڵاتیه‌کی ئازه‌ری خه‌ڵکی ورمێ به تۆمه‌تی کوشتنی سێ که‌س، ده‌زگیر و به‌ سزای ئیعدام مه‌حکووم کرابوو و له‌م دوایانه پاش په‌سه‌ند کرانی حوکمه‌که‌ی له لایه‌ن دیوانی باڵای دادی ڕه‌ژیم، ڕۆژی 25ی ڕه‌شه‌ممه، «حوسێن حاج مه‌جیدی»، له گرتووخانه‌ی سنه، له‌سێداره‌درا.

ڕێکخراوی مافی مرۆڤی کوردستان داخ و که‌سه‌ری خۆی له‌هه‌مبه‌ر به‌ڕێوه‌چوونی حوکمی ئیعدامی ناوبراو له سه‌ره‌تایی ساڵی نوێ، ڕاده‌گه‌یێنێ و خوازیاری کۆتایی هێنان به‌م شێوه سزادانه‌ و هه‌ڵگرتنی سزای له‌سێداره‌دان و دانانی ڕه‌وشی مرۆڤانه‌ی تر بۆ سزاکانه.

هاوڵاتیه‌کی پاوه‌یی به 12 ساڵ زیندان مه‌حکووم کرا

مانشێت نیوز، ڕۆژهه‌ڵاتی کوردستان:به‌گوێره‌ی هه‌والێکی په‌یامنێرانی ڕ.م.م.ک،هاوڵاتیه‌کی پاوه‌یی به تۆمه‌تی هه‌وڵدان دژ به ئاسایشی نه‌ته‌وه‌یی ئێران به 12 ساڵ زیندان مه‌حکووم کرا.

 په‌یامنێرانی ڕێکخراوی مافی مرۆڤی کوردستان له هه‌واڵێک دا ڕایگه‌یاند که هاوڵاتیه‌کی پاوه‌یی به ناوی «یاسر ئیبڕاهیمی» له لایه‌ن دادگایی شۆڕسی ئیسلامی شاری کرماشانه‌وه به تۆمه‌تی دانانی بۆمبای ده‌نگ له جه‌ریانی هه‌ڵبژاردنه‌کانی سه‌رکۆماری له دوو ساڵ له‌مه‌وبه‌ر، دادگایی کرد و پاشان به تاوانی هه‌وڵدان دژی ئاسایشی نه‌ته‌وه‌یی 12 ساڵ حوکمی زیندانی به‌سه‌ر دا سه‌پاند.

ڕێکخراوی مافی مرۆڤی کوردستان وێڕای نیشاندانی شکی خۆی به‌رانبه‌ر به‌م عادڵانه‌ بوون و نه‌بوونی ئه‌م حوکمه بۆ یاسر ئیبڕاهیمی، خوازیاری پێداچونه‌وه و ڕه‌چاوکردنی پێوه‌ره نێونه‌ته‌وه‌یه‌کان و پڕه‌نسیپه‌ مرۆیه‌کانه بۆ دانی حوکمی قه‌زایی.

قۆڵبه‌ستکرانی دوو لاوی سنه‌یی

مانشێت نیوز، ڕۆژهه‌ڵاتی کوردستان:به‌گوێره‌ی هه‌والێکی په‌یامنێرانی ڕ.م.م.ک، دوو هاوڵاتی سنه‌یی به ناوه‌کانی «کیومه‌رس محه‌ممه‌دی» و «نادر محه‌ممه‌دی»، له 40 ڕۆژ له‌مه‌وبه‌ره‌وه به تۆمه‌تێکی نادیار، که چاوه‌روان ده‌کرێ سیاسی بێت، قۆڵبه‌ست کراون.

په‌یامنێرانی ڕێکخراوی مافی مرۆڤی کوردستان وێڕای ڕاگه‌یاندنی ئه‌م هه‌واله ده ڵێ که هێزه‌کانی ئاسایشی ڕه‌ژیم دوو لاوی ته‌مه‌ن 25 و 28 ساڵه‌ی سنه‌ییان به ناوه‌کانی «کیومه‌رس و نادر محه‌ممه‌دی»م که ئامۆزایی یه‌کترن، له 40 ڕۆژ له‌مه‌وبه‌ره‌وه به تۆمه‌تێکی نادیار ده‌زگیر و ڕه‌وانه‌ی شوێنێکی نادیار کردووه.

ئه‌گه‌رچی تاکو ئێستا به فه‌رمی هیج تۆمه‌تێکی به‌ره‌وڕووی ئه‌م دوو لاوه نه‌بۆته‌وه، به‌ڵام چاوه‌ڕوان ده‌کرێ که به هاوکاری و ئه‌ندامه‌تی حیزبێکی سیاسی کوردی دژ به ده‌وڵه‌ت تاوانبار بن و ده‌گوترێ که دوو ئاوایی نشین به ناوه‌کانی » مه‌عرووف.ع» ، «نه‌زیم.ب» پێوه‌ندیان به جه‌ریانی ده‌زگیرکردنی ئه‌م دو لاوه هه‌بووه و ڕێکخراوی مافی مرۆڤی کوردستانیش، به‌داخه له‌مه‌ی که ڕه‌ژیم له‌خۆوه ئازادی هاوڵاتیان پێشێل ده‌کات و بۆیه‌ش خوازیاری ڕه‌عایه‌تی خاڵه‌کانی 1تا 5 و ماده‌ی 9ی جارنامه‌یی گه‌ردوونی مافی مرۆڤه له‌گه‌ڵ ئه‌م گیراوانه‌یه.

کوژرانی لاوێکی کورد له نه‌غه‌ده و ژنێکی لاو له مه‌هاباد

مانشێت نیوز، رۆژهه‌ڵاتی کوردستان: به‌گوێره‌ی هه‌واڵنێری چاوه‌دێری مافی مرۆڤی کورد، لاوێکی 28 ساڵه‌ی کورد به ناوی «که‌ماڵ ڕه‌حمانی» له نه‌غه‌ده‌ له لایه‌ن باوکی خۆشه‌ویسته‌ ئازه‌ریه‌که‌یه‌وه کوژراو له مه‌هابادیش ژنێکی لاو به ناوی «گوڵزار.ک»، به هۆیه‌کی نادیاره‌وه کوژراوه.

هه‌واڵنێری چاوه‌دێری مافی مرۆڤی کورد(HCMMK) له شاری نه‌غه‌ده، لاوێکی کورد به ناوی «که‌ماڵ ڕه‌حمانی»، به هۆی پێوه‌ندی خۆشه‌ویستی له‌گه‌ڵ کچێکی ئازه‌ری له لایه‌ن باوکی کچه‌که وه کوژرا. که‌ماڵ ڕه‌حمانی کاتژمێر 2ی نیوه‌‌شه‌وی چوارشه‌ممه 8ی خاکه‌لێوه، له نزیک ماڵی کچه‌ ئازه‌ریه‌که و له لایه‌ن باوکی کچه‌که‌وه  که ئه‌فسه‌رێکی ره‌ده‌ی سه‌رهه‌نگی نیزامیه، به ناوی «عه‌لی. ڕ»،به 7 گوله‌ی که وه‌ سه‌ر و سگ و ملی که‌وتوبوو  کوژرا.

له‌م هه‌وڵه‌که‌ی تر دا، «گوڵزار.ک»، ژنی لاوی مه‌هابادی له تاخی «فه‌رهه‌نگیان»ی شاری مه‌هاباد، به هۆیه‌کی نادیاروه‌ گیانی له‌ده‌ست داوه و سه‌ره‌رایی ئه‌وه که هاوسه‌ره‌که‌ی ئیدعا ده‌کات که قه‌تڵێکی ڕووی نه‌اوه، به‌ڵام ده‌نگۆی ئه‌وه هه‌یه‌ که ناوبراو به هۆیه‌کی نادیار گیانی له‌ده‌ست داوه و هه‌واڵه‌کان باس له کوژرانی شاراوه‌ی ئه‌م ئافره‌ته لاوه ده‌که‌ن.

تا ئێستا و بڵاوکردنه‌وه‌ی ئه‌م هه‌واڵه، هیچ لێدوانێکی فه‌رمی له لایه‌ن به‌رپرسانه‌وه سه‌باره‌ت به هۆی کوژرانی ئه‌ن ژنه ڕانه‌گه‌یاندراوه.

گیراوانی سیاسی گرتووخانه‌ی سنه، بۆ شوێنی تر ڕاگوێزتراون

مانشێت نیوز، رۆژهه‌ڵاتی کوردستان: به‌گوێره‌ی هه‌واڵنێری چاوه‌دێری مافی مرۆڤی کورد، گیراوانی سیاسی له گرتووخانه‌ی سنه له کۆتایی ساڵی ڕابردوو و نه‌ورۆزی ئه‌مساڵ بۆ شاره‌کانی تر بۆ وێنه «مه‌لایر»، «زه‌نجان» و «قه‌زوین»، «خوڕه‌م ئاباد»، «مه‌راغه» و شاره‌کانی تر ڕاگوێزتراون.

هه‌واڵنێری چاوه‌دێری مافی مرۆڤی کورد(HCMMK) ڕایگه‌یاند که گیراوانی سیاسی گرتووخانه‌ی سنه که زۆربه‌یان به تۆمه‌تی چالاکی سیاسی و پێوه‌ندی و هاوکاری له‌گه‌ڵ حیزبه کوردستانیه‌کانی دژ به حوکومه‌ت تۆمه‌تبار و زیندانی کراون، له کۆتایی سالی 85 و نه‌ورۆزی ئه ئه‌مساڵ دا بۆ شاره‌کانی تر وه‌کو «مه‌لایر»، «زه‌نجان» و «قه‌زوین»، «خوڕه‌م ئاباد»، «مه‌راغه» و شاره‌کانی تر ڕاگوێزتراون و ده‌گوترێ که «وا‌حید غه‌ریبی» و «ساسان بابایی»، له‌ ناو ئه‌م گیراوانه‌دان.

کاوه‌ جه‌وانمه‌رد به تۆمه‌تی محاره‌به به‌ره‌وڕووی دادگا ده‌بێته‌وه

به‌گوێره‌ی هه‌مان سه‌رچاوه، «کاوه جه‌وانمه‌رد»ی رۆژنامه‌وان که پێشتر به 5 ساڵ زیندان مه‌حکووم کراوه، ئه‌مجاره به تۆمه‌تی محاره‌به (شه‌ر بۆ ڕووخاندنی ڕه‌ژیم)، ڕووبه‌ڕووی دادگا ده‌بێته‌وه.

ناوبراو که 4 مانگه قۆڵبه‌ست کراوه و ئێستا له گرتووخانه‌ دایه ئه‌مجاره به تۆمه‌تی هاوکاری له‌گه‌ڵ حیزبه کوردستانیه‌کانی دژ به ده‌وڵه‌ت و شه‌ر به‌مه‌به‌ستی ڕووخاندنی کۆماری ئیسلامی ده‌که‌وێته‌ به‌رده‌م دادوه‌ری دادگایی شۆڕشی ئیسلامی.

ناوبراو پێشتریش به تۆمه‌تی هه‌وڵدان دژ به ئاسایشی نه‌ته‌وه‌یی به 5 ساڵ زیندان مه‌حکووم کرابوو به‌ڵام له‌م دوایانه‌ دا، دیوانی باڵایی دادی ڕه‌ژیم، ئه‌م حوکمه‌ی بۆ به دوو ساڵ که‌م کردبۆوه.

فڕۆکه‌یه‌کی سیخوڕی ئێران له یه‌مه‌ن که‌وته خوار

مانشێت نیوز، ناوه‌ندی هه‌واڵ؛ به گوێره‌ زانیاریه‌کان،  فڕۆکه‌یه‌کی بێ سه‌رنشینی ئێرانی که به مه‌به‌ستی سیخوڕی به‌کاردێن له ناوچه‌ی «حه‌زه‌رموت»ی یه‌مه‌ن و له ناوچه شیعه‌ نشینه‌کانی ئه‌م وڵاته که‌وته‌ خواره‌وه و له پارێزگایی «سه‌عده‌» له نێوان شیعه‌کانی زه‌یدی و هێزه‌کانی ده‌وڵه‌تی یه‌مه‌ن شه‌ر له‌ئارادایه.

به گوێره‌ی بی‌بی‌سی، به‌رپرسانی یه‌مه‌ن که که‌مایه‌تیه‌کی شیعه‌ له وڵاته‌که‌یان ده‌ژین، ناوه‌نده‌ ئایینیه‌کانی ئێران پووڵ و چه‌کو یارمه‌تی لۆژه‌ستیک ده‌ده‌نه شیعه‌کانی ئه‌م وڵاته و هه‌ستیان به‌رانبه‌ر به حکومه‌تی ناوه‌ندی ده‌رووژێنن.

شیعه‌کانی یه‌مه‌ن که له لایه‌ن «حوسێن جوسی» و له قاڵبی گرووپێکی ناڕازی شیعه‌ به ناوی «لاوانی دیندار»، دژ به حکومه‌تی یه‌مه‌ن، ئالۆزی ساز ده‌که‌ن، له لایه‌ن ئێرانه‌وه یارمه‌تی ده‌کرێن و هه‌ر ئێستا له پارێزگای «سه‌عده» له‌گه‌ل هێزه‌کانی حکومه‌تی ئه‌م وڵاته تووشی شه‌ر و پێکدادانن.

ئێران له‌م فڕۆکه بێ فڕۆکه‌وانانه به مه‌به‌ستی سیخوڕی که‌ڵک وه‌ڕده‌گرێ و پێشتر له ئیسرائیلیش یه‌کێکی له‌م شێوه خسترابۆ خواره‌وه. ئیسرائیل ده‌ڵێ ئێران له‌م فڕۆکانه، چه‌ند ده‌نکی داوه به حیزبوڵا دژ به‌م ولاته.

شایانی باسه که ماوه‌یه‌ک له‌مه‌وبه‌ر که‌ناڵی ئاسمانی ئه‌لعاله‌می ئێران که به زمانی عه‌ره‌بی وه‌شان ده‌کات، چه‌ند خوله‌ک له وێنه‌ی که‌شتیه‌کی فرۆکه‌ هه‌ڵگری ئه‌مریکایی له که‌نداوی فارس بڵاوکردبۆوه که له لایه‌ن ئه‌م فڕۆکه‌وه سیخوڕیانه‌وه که ئێران ئیدعا ده‌کات، ده‌توانن له ده‌ستی ڕاداره‌کان خۆ بشارنه‌وه، گیرابوو.

دوایین هه‌واڵه‌کان سه‌باره‌ت به قه‌یرانی نێوان ئینگلیز و ئێران سه‌باره‌ت به 15 مه‌له‌وانه گیراوه‌که

مانشێت نیوز، ناوه‌ندی هه‌وال؛ ده‌وڵه‌تی ئینگلزی وێڕای مه حکووم کردنی نیشاندانی وێنه‌ی سه‌ربازه‌ گیراوه‌کانی له که‌‌کاڵی ئه‌لعاله‌می ئێرانی، خوازیاری دیتنی  گیراوه‌کان و ئازادکردنی هه‌موویانه بێ مه‌رج.

پاش ئه‌وه‌ی که شه‌وی ڕابردوو، که‌ناڵی ئاسمانی ئه‌لعاله‌می ئێران، وێنه‌ی ئه‌م مه‌له‌وانه‌ ئینگلزیه‌ گیراوانه‌ی بڵاوکرده‌وه که تێیان دا ژنه‌ مه‌له‌وانه گیراوه‌که، «فه‌ی تێرنی»، باسی له خۆشڕه‌فتاری ئێرانیه‌کان ده‌کرد و خه‌به‌ری له باش بوونی ته‌ندروستیان ده‌کرد، ده‌وڵه‌تی ئینگلز، وێڕای مه‌حکووم کردنی ئه‌م یه‌که، وتیشی که خوازیاره گیراوه‌کانی ببینێ و نه ته‌نیا ژنه مه‌له‌وانه‌که به‌ڵکو پێویسته هه‌مویان ئازاد بکرێن.

له لایه‌کی تره‌وه، ئینگلزی وێڕای ناردنی نامه‌یه‌ک بۆ 15 ئه‌ندامی ئه‌نجومه‌نی ئاسایشی نه‌ته‌وه یه‌کگرتووه‌کان خوازیاری مه‌حکووم کرانی ئه‌م کرده‌وه‌ی ئێران له‌ ئه‌نجومه‌نی ئاسایشه.

شایانی باسه ڕۆژی 3ی خاکه‌لێوه، ئێران 15 مه‌له‌وانی سه‌ر به هێزی ده‌ریایی ئینگلزیی له شه‌تی عه‌ره‌بی، ده‌زگیر کرد و ئیدعا ده‌کات که ئه‌مانه هاتوونه‌ته ناو سنووره‌کانی ئێران و ده‌نگۆی دادگایی مه‌له‌وانه‌کان به تۆمه‌تی سیخوری هاته ئاراوه، به‌م هۆیه‌ش ئینگلزی وێڕای هه‌ره‌شه‌ی توند، ده‌ڵێ که به به‌لگه ده‌سه‌لمێنین که گیراوه‌کان له ناو خاکی عێراق دابوونه نه ئێران.

له هه‌مان کات دا ئه‌مڕۆ چه‌ند به‌سیجی سه‌ر به ڕه‌ژیم، له به‌ر ده‌رگایی باڵوێزخانه‌ی ئینگلزی له تاران کۆبوونه‌وه‌ و وێڕای سه‌ردانی دروشم دژ به‌م وڵاته ده‌یانگوت که پێویسته، ئه‌م 15 مه‌له‌وانه گیراوه به تۆمه‌تی سیخوڕی دادگایی بکرێن و ئینگلزیزیش پێوه‌ندیه سیاسه‌کانی له‌گه‌ڵ کۆتایی پێبێت.

  • به‌سیجه‌کان ئه‌م دروشمانه‌یان ده‌دان:
  • به بڕینی پێوه‌ندیه ئابووریه‌کان له‌گه‌ڵ ئینگلزی خۆشحاڵین
  • جاسووسه‌کانی ئینگلزی ده‌بی، دادگایی بکرێن
  • ده‌ورانی که‌له‌گایه‌تی ئینگلیز به‌سه‌ر هاتووه
  • ئینگلزی پێویسته داوای لێبوردن بکات

بڕیارگه‌ی ناوه‌ندی هێزی پاراستی گه‌ل: کۆتایی به مانای ئاگربه‌ست هاتووه

مانشێت نیوز، تایبه‌ت: فه‌رمانده‌ی بڕیارگه‌ی ناوه‌ندی هێزی پاراستنی گه‌ڵ، له لێدوانێک دا ڕایگه‌یاند که پاش هه‌وڵی ژه‌هرخوارد کردنی عه‌بدوڵا ئۆجه‌لان و قۆناخی بێ چاره‌سه‌ری کێشه‌ی کورد له لایه‌ن ده‌سه‌ڵاتی تورکیاوه، ئاگربه‌ست مانایه‌کی بۆ نه‌ماوه.

دوکتۆر «باهۆز ئه‌ردال»، فه‌رمانده‌یی بڕیارگه‌ی ناوه‌ندی هێزی پاراستنی گه‌ڵ(HPG) ڕایگه‌یاند که ئه‌گه‌ر ده‌ستێوه‌ردانێکی جێگه‌ی متمانه‌ی پزیشکی له بارودۆخی ته‌ندروستی ئۆجه‌لان نه‌کرێ، شه‌رێکی بێ ئامان ده‌سپێده‌کاته‌وه و ئێمه (PKK)، ئێستا نه بیر له چۆنیه‌تی درێژه‌پێدانی ئاگربه‌ست، به‌ڵکو بیر له چۆنیه‌تی ده‌سپێکردنه‌وه‌ی شه‌رێک ده‌که‌ینه‌وه که ئه‌گه‌ر ڕووبدات، نه کوردستان و نه هیچ که‌سی تر، له ئاکامه‌کانی بێ به‌ش نابێ.

ئه‌رداڵ وتی: ئاگربه‌ست له‌م دۆخه دا مانایه‌کی نه‌ماوه و چاوه‌ڕوانی ئه‌وه‌مان له‌که‌س نیه که پێشنیاری درێژه‌ی ئاگربه‌سته‌ یه‌کلایه‌نه‌که‌مان پێ بکات. ده‌سپێکی سه‌ری نوێی وه‌کو هه‌ڵکه‌وتنی تورکیا له سه‌ر دینامیت ده‌بێت و که‌س ناتوانێ ئه‌م دۆخه قه‌بووڵ بکات. (سازبوونی کێشه‌ بۆ ته‌ندروستی ئۆجه‌لان) شتێکه که به هیچ شێوه بۆ ئێمه و میلیتانه‌کانی هه‌په‌گه‌ قه‌بووڵ ناکرێ و له کاتێک دا که سه‌رجه‌م هێزه‌کانمان له حاڵه‌تێکی چاوه‌روانی و ئینفعال دان، بۆ گه‌یشتنی ڕێبه‌رمان به ته‌ندروستی ئاسایی خۆی، هه‌ر ئێستا پێویسته، هه‌وڵی پزیشکی بۆ بدرێ، ئه‌گه‌ر نا، هیچ که‌س و هێزێک ناتوانێ پێش به شه‌رێکی بێ بڕانه‌وه و توند بگرێ و کۆنترۆڵی بکات.

دوکتۆر باهۆز ئه‌رداڵ که بۆ رۆژنامه‌ی ئوزگور پۆلیتیکا (ڕۆژنامه‌یه‌کی سه‌ر به پ.ک.ک  که له ئه‌ورووپا وه‌شان ده‌کات)، دا وتی: ئه‌رته‌شی تورکیا، له زستانیش دا به‌رده‌وام بووه له ئۆپێراسیۆنه‌کانی و بۆ ئاماده‌کاری سه‌ری به‌رفراوانتر له شڕناخ، ئولو ده‌ڕه، چوکورجه و خه‌تی شه‌مزینان و سنووری کوردستان، هێز و تانک و زرێپۆشێکی زۆری ئه‌رته‌ش جێگیر کراوه و هه‌ر وه‌کو ساڵی ڕابردوو  که له ئۆپێراسیۆنێکی مه‌زن دا زیاتر له 250 هه‌زار سه‌ربازیان هێنابۆ ناوچه، ئه‌گه‌رچی له ئاستی پرۆپاگه‌نده‌دا ماوه ، ئه‌مسالیش به‌ هه‌مان شێوه، کوردستان پڕ له سه‌ربازی تورک کراوه و وه‌کو پێشوو، ئه‌گه‌ری ده‌سپێکی هێرش هه‌یه.

باهۆز ئه‌رداڵ له درێژه‌ی قسه‌کانی دا ئه‌مانه‌شی وت:

  • ژیانی ڕێبه‌رمان له مه‌ترسی دایه، گه‌یشتۆته ئاستێکی هه‌ستیار، ئه‌گه‌ر بۆ گه‌راندنه‌وه‌ی ته‌ندروستی ڕێبه‌رمان هه‌وڵی پزیشکی جیددی نه‌درێ، که‌س ناتوانێ پێش له شه‌رێکی ماڵوێرانکه‌ر بگرێ.
  • به ئاشکرا هۆشداری ده‌ده‌ین: ئه‌گه‌ر ناتانه‌وێ تورکیا ببێته عێراقێکی تر، شه‌رێکی ماجه‌راجویانه ده‌سپێنه‌کات، هه‌رڕۆژ خۆکوژی بۆمبی ڕوو نه‌دات، پێویسته به زووترین کات ته‌ندروستی ڕێبه‌رمان بگه‌رێته‌وه جێگه‌ خۆی.
  • سه‌ره‌رایی سه‌رجه‌م پڕۆکاسیۆن وکارشکێنی و هێرشه‌کانی سه‌رمان، به پێسنیاری ئۆجه‌لان، ئاگربه‌ستی یه‌کلایه‌نه‌مان تا مانگی ئاپریڵ(5) ڕاگه‌یاند، به‌ڵام هه‌وڵی ژه‌هرخوارد کردنی عه‌بدوڵا ئۆجه‌لان، مانایه‌کی بۆ ئاگربه‌ست نه‌هێشته‌وه.
  • چاوه‌روانی ئه‌وه‌مان له که‌س نیه که پێشنیاری درێژه‌ پێدانی ئاگربه‌ستمان پێبکات بۆیه که له‌م بارودۆخه دا نابێ. له‌م ئاسته دا زیاتر له‌وه‌ که بیر له چۆنیه‌تی درێژه‌ پێدانی ئاگربه‌ست بکه‌ینه‌وه، بیر له چۆنیه‌تی ده‌سپێکی شه‌رێکی قورس و هه‌مه لایه‌نه ده‌که‌ینه‌وه.
  • تاقمێک له به‌رپرسانی ئه‌رته‌ش به‌م شێوه‌ و به ئاشکرا جوابی ئاگربه‌سته‌کامانیان داوه‌ته‌وه بۆ وێنه باشبوغ(فه‌رمانده‌ی هێزی زه‌وینی تورکیا) ده‌ڵێ: تا مانی ئاخرین که‌سیان، ئه‌رته‌ش، درێژه به ئۆپێراسیۆن ده‌دات.
  • کێشه، داهاتوو وچاره‌نووسی تورکیایه. کێشه‌ی گه‌لێکه و ناسنامه‌یه. ئێمه وه‌کو هه‌په‌گه‌ مومکین نیه له‌م هه‌لومه‌رجه‌ دا بتوانین درێژه به ئاگربه‌ست بده‌ین. ئێمه هه‌ست به ئه‌رکه‌کان و به‌رپرسیاره‌تیامان به‌رانبه‌ر به گه‌ل ده‌که‌ین.
  • له لایه‌ن گه‌ل و فیدایه‌کانمانه‌وه سه‌دان ڕاپۆرتمان پێگه‌یشتووه که ده‌یانه‌وێ خۆبکه‌نه قوربانی ئامانجه‌کانمان. ئێمه هه‌وڵی شه‌رێک ده‌ده‌ین که گه‌له‌که‌مان که‌مترین خه‌ساری لێببینێ.
  • گه‌نجان ڕۆڵی ڕێبه‌رایه‌تی و پێشڕه‌ویان بینیوه. گه‌نجانی ئاپۆچی، پێویسته به هه‌موو توانایانه‌وه بچنه ناو هه‌وڵدانه‌وه. له گرووپی 3 و 5 که‌سی دا ببنه‌ یه‌ک و خۆ سازمان بده‌ن و به‌ره‌نگاری هه‌موو ناوه‌ند و هێزه‌کانی ئابووری و سیاسی و فیکری ببنه‌وه که شه‌ر په‌ره پێده‌ده‌ن. پێویسته هه‌ر رۆژ چالاکی بکه‌ن.

ڕۆژنامه‌وانانی گیراوی کورد به پێوه‌ندی له‌گه‌ڵ گرووپه تیرۆریستیه‌کان تۆمه‌تبارکراون

مانشێت نیوز، ڕۆژهه‌‌ڵاتی کوردستان: «عه‌دنان حه‌سه‌ن پوور» و «مه‌نسوور ته‌یفووری»، دوو ڕۆژنامه‌وانی گیراوی کورد، له گرتووخانه‌ی ئیتلاعاتی سنه‌وه، بۆ گرتووخانه‌ی مه‌ریوان ڕاگوێزراون و به تۆمه‌تگه‌لێک وه‌کو پێوه‌ندی له‌گه‌ڵ گرووپه تیرۆریستیه‌کان تاوانبار کراون.

هه‌واڵنێری چاوه‌دێری مافی مرۆڤی کورد له هه‌واڵێک دا ڕایگه‌یاند که «عه‌دنان حه‌سه‌نپوور»، ڕۆژنامه‌انی مه‌ریوانی که زیاتر له 2 مانگه و «مه‌نسوور ته‌یفووری»، ڕۆژنامه‌وان و نوسسه‌ر و وه‌رگێری سه‌قزی که ماوه‌ی 20 ڕۆژه ده‌زگیر کراون و له گرتووخانه‌ی ئیداره‌ی ئیتلاعاتی سنه، ڕاگیرابوون، ڕۆژی دووشه‌ممه 6ی خاکه‌لێوه بۆ گرتووخانه‌ی مه‌ڕیوان ڕاگوێزراون.

ئه‌م دوو ڕۆژنامه‌وانه به چاوی به‌ستراو و به ماشێنی ئیتلاعات هێنرانه مه‌ریوان و سه‌ره‌رایی ئه‌وه که تا ئێستاش به فه‌رمی تۆمه‌ته‌کانیان ڕانه‌گه‌یاندراوه به‌ڵام مێدیاکانی نیزێک به حکومه‌ت باس له تۆمه‌تی پێوه‌ندی ئه‌م دوو ڕۆژنامه‌وانه له‌گه‌ڵ گرووپه‌ کورده‌کانی باشووری کوردستان، پێوه‌ندی و یارمه‌تی گرووپه‌ تیرۆریستیه‌کان، یارمه‌تی چوونه‌ده‌ر له وڵاتی دوو که‌س له تۆمه‌تباران به ته‌قینه‌وه‌کانی خوزستان، تۆمه‌تبار کراون.

شایانی باسه که عه‌دنان حه‌سه‌نپوور، ئه‌ندامی سۆڕایی نووسه‌رانی هه‌فته‌نامه‌ی داخراوی ئاسۆ چاپی سنه و مه‌نسوور ته‌یفووریش ئه‌ندامی ئه‌نجومه‌نی سینفی ڕۆژنامه‌وانان و ئه‌ندامی ده‌سته‌ی دامه‌زرێنه‌ری کانوونی نووسه‌رانی کورده.

ئه‌مڕۆ 60مین ساڵی له‌سێداره‌دانی پێشه‌وا قازی محه‌ممه‌د و هاوڕێیانێتی

ئاژانسی ده‌نگوباسی مانشێت: ئه‌مڕۆ 10ی خاکه‌لێوه‌، 60 مین ساڵڕۆژی له‌سێداره‌دانی یه‌که‌م سه‌رکۆماری کورد، پێشه‌وا قازی محه‌ممه‌د، سه‌یف و سه‌دری قازی له هاوڕێیانیه‌تی.

به‌م بۆنه‌وه، وه‌کو ئاژانسی مانشێت، پڕ به دڵ سه‌ره‌خۆشی له‌سێداره‌دانی یه‌که‌م سه‌رکۆماری کوردستان له ئێوه‌ی ئازیز ده‌که‌ین.

لا

گۆڤاری «وڵات»ی خوێندكارانی كوردی زانكۆی تاران كه‌وته‌ به‌ردیدی خوێنه‌ران

مانشێت نیوز، ڕۆژهه‌لاتی کوردستان: گۆڤاری «وڵات» وه‌رزنامه‌ییه‌كی سیاسی، كۆمه‌ڵایه‌تی و فه‌رهه‌نگییه‌، به‌ هه‌ر دوو زمانی فارسی و كوردی له‌لایه‌ن خوێندكارانی كوردی زانكۆی ته‌ربیه‌ت موعه‌لیمی تاران ده‌رده‌چێت، له‌م رۆژانه‌ پێش ژماره‌ی خولی تازه‌‌ی له‌ ساڵی چواره‌میدا كه‌وته‌ به‌‌ردیدی خوێنه‌ران.

خاوه‌ن ئیمتیاز و به‌رپرسیاری وه‌رزنامه‌ی «وڵات» «ئومید ته‌ركه‌» و ده‌سته‌ی نووسه‌رانی بریتین له‌: «جه‌لال نه‌جاری» ، «ئیدریس سوڵتانی» ، «مه‌نسوور دیهۆل» ، «نیشتمان ئازه‌ر په‌یكان» و «په‌روین به‌یگی».له‌ به‌رگی ژماره‌ی «وڵات»دا چه‌ندین بابه‌تی سیاسی، رۆشنبیری، لێكۆڵینه‌وه‌یی، مێژوویی و ئه‌ده‌بی به‌رچاو ده‌كه‌وێت، له‌وانه‌:

ـ ئه‌ده‌بیاتی گه‌لانی جیهان……..ن: فرانتس كافكا/ و: سه‌عید سوله‌یمانی.

ـ چیرۆكی «كچ»……ن:جامائیكا كین كید/ و بۆ فارسی: ئه‌سه‌دوڵڵا ئومرایی/ و بۆ كوردی: سوله‌یمان شه‌ریفی.

ـ شیعر……. كه‌ریم ره‌سوڵ پیران/ سوله‌یمان شه‌ریفی/ هێمن سوهرابی.

ـ نقش زبان در هویت/ محمد علی ندیمی.

ـ نزم نوین جهانی و موقعیت كردها/ رزگار محمدی.

ـ مساله‌ كرد در تركیه‌/ ادریس سلتانی.

ـ بحران هویت در كرماشان/ هیوا كوردستانی.

ـ «شعر و شعر كرد»، دیمانه‌یه‌ك له‌ گه‌ڵ سه‌ید عه‌لی ساڵحی/ هادی حبیبی.

ـ نگاهی گزرا به‌ كتاب: هویت تاریخی و مشكلات كنونی مردم كرد/ مه‌نسوور دیهول.

ـ گزری بر مساله‌ زبان مادری/ امید تركه‌.

ـ بوركراسی یا بردگی مدرن؟/ جلال نجاری.

سه‌رچاوه: خوێدنکارانی کورد

کۆنگره‌یی ئه‌مریکا به نیازه، سپایی پاستاران بخاته ناو لیستی گرووپه تیرۆریستیه‌کانه‌وه

مانشێت نیوز، ناوه‌ندی هه‌واڵ: کۆنگره‌یی ئه‌مریکا، ده‌یه‌وێ به په‌سه ند کردنی گه‌ڵاڵه پێشیارێک، سپایی پاستارانی ئێران بخاته ناو لیستی گرووپه تیرۆریستیه‌کانه‌وه.

به گوێره‌ی هه‌واڵێکی ڕۆژنامه‌ی «ئو‌ئێس‌ئه‌ی توده‌ی»ی چاپی ئه‌مریکا، سێناتۆر «تۆم لانتۆس»، ئه‌ندامی باڵایی کۆمیته‌ی پێوه‌ندیه‌کانی ده‌ره‌وه‌ی کۆنگره‌یی ئه‌مریکا، گه‌ڵاڵه پێشنیارێکی کردووه که تێیدا، 3 مانگ مۆڵه‌ت به ده‌وڵه‌تی جۆرج بوش ده‌دا، تا ناوی سپایی پاستارانی ئێرانیش بخاته ناو لیستی گرووپه تیرۆریتیه‌کانه‌وه و هه‌ر چه‌شنه پێوه‌ندی و مامه‌ڵه‌یه‌کی ئابووری له‌گه‌ڵ سپا دا بایکۆت و قه‌ده غه بکات.

به گوێره‌ی ڕۆژنامه‌که ئه‌مریکا ده‌یه‌وێ له گه‌رماوگه‌رمی کێشه‌ی ئه‌تۆمی ئێران دا سپایی پاستاران بکاته  ئامانج و زه‌ربه‌ی لێبدات و بۆیه‌ که له‌سه‌ر ئه م بڕوایه‌یه که سپایی پاستاران له سه‌رجه‌م گرووپه تۆنداژۆخوازه‌کانی ڕۆژهه‌ڵاتی ناوه ڕاست پستیوانی ده‌کات.

شایانی باسه هه‌ر ئێستا ده‌یان ئه‌ندامی باڵایی سپایی پاستاران که له هه‌ولێر و به‌غدا و شاره‌کانی تری عێراق و باشووری کوردستان ده‌زگیر کراون، له لایه‌ن ئه‌مریکاوه له گرتووخانه‌کانی ئه‌رته‌شی ئه‌م وڵاته، له عێراق لێکۆڵینه‌وه‌یان له‌گه‌ڵ ده‌کرێ.

قه‌یرانی مه‌له‌وانه گیراوه‌ ئینگلیزیه‌کان و دانپێدانانی ته‌له‌ڤزیۆنیان به‌رده‌وامه

مانشێت نیوز، ناوه‌ندی هه‌واڵ: پاش ئه‌وه‌ی که ئێران ڕۆژی 3ی خاکه‌لێوه، 15 مه‌له‌وانی هێزی ده‌ریایی ئینگلزیزی له شه‌تی عه‌ره‌بی و ئاوه‌کانی که‌ناری به‌سره به تۆمه‌تی تێپه‌راندنی نایاسایی سنووری ئاوی ئێران گرت، کێشه‌که، خه‌ریکه ده‌بێته‌ قه‌یرانێکی مه‌زن.

سه‌ره‌رایی تێپه‌ربوونی حه‌وتوویه‌ک به‌سه‌ر گیرانی 15 مه‌له‌وانی هێزی ده‌ریایی ئینگلزی له ناو ئاوه‌کانی شه‌تی عه‌ره‌بی، ئێران له ئازاد کردنیان خۆ ده‌پارێزێ، دانپێدانانی ته‌له‌ڤزیۆنیان لێ بڵاو ده‌کاته‌وه و ده‌وله‌تی ئینگلزیزیش وێڕای ڕه‌تکردنه‌وه‌ی توندی ئه‌م ڕه‌فتاره‌ی ره‌ژیمی ئێران، به‌رده‌وامه له هه‌ڕه‌شه‌کانی.

ئه‌مڕۆ ته‌له‌ڤزیۆنی ئه‌لعاله‌م، که که‌ناڵێکی ئاسمانی ئێرانه و به زمانی عه‌ره‌بی وه‌شان ده‌کات، دووهه‌مین وێنه‌ی سه‌ربازه  گیراوه‌کانی ئینگلزیزی نیشان دا که تێیدا، یه‌کێکی تر له مه‌له‌وانه‌کان، وێڕای دانپێدانان به هاتنی نایاسایی هێزه‌کانی ئینگلزیزی بۆ ناو سنووره‌کانی ئاوی ئێران، داوایی لێبوردن له ده‌وڵه‌ت و گه‌لی ئێران ده‌کات و پاشان تاریفی میوانپه‌ڕوه‌ری و خۆشڕه‌فتاری ده‌وڵه‌تی ئێران ده‌کات.

ده‌وڵه‌تی تۆنی بلێر، وێڕای نیشاندانی ناڕه‌زایه‌تی توندی خۆی له‌ نیشاندانی ئه‌م وێنانه دیسانیش جه‌خت له‌سه‌ر ئه‌م یه‌که‌ ده‌کاته‌وه که هێزه‌کانی له ناو سنووری ئاوی عێراق دا گیراون و پێویسته ئازاد بکرێن. ئێرانیش داوا ده‌کات که ئینگلزی داوایی لێبوردنی فه‌رمی له‌م وڵاته بکات و میکانیزمێک ببیندرێته‌وه بۆ دووپات نه‌بوونه‌وه‌ی ئه‌م یه‌که‌.

هه‌واڵ و زانیاریه‌کانی پێوه‌ندی‌ دار

سبه‌ی دووهه‌م ڕۆژنامه‌ی کوردی به ناوی «ده‌نگی وڵات» له باکووری کوردستان ده‌ست به وه‌شان ده‌کات

مانشێت نیوز، باکووری کوردستان: زانرا که پاش داخرانی 20 ڕۆژه‌ی «ڕۆژنامه‌ی کوردی ئازادیا وڵات»، سبه‌ی یه‌که‌م ژماره‌ی «ڕۆژنامه‌ی کوردی ده‌نگی ولات»، له 16 لاپه‌ره‌دا ده‌ست به وه‌شانی فه‌رمی خۆی ده‌کات.

«ده‌نگی وڵات»، به گوێره‌ی ئاژانسی فورات، ڕۆژنامه‌یه‌کی 16 لاپه‌ره‌یه که په‌ره‌پێدان و پاراستنی زمانی کوردی له باکووری کوردستان بۆ یه‌که‌م جار له مێژوودا ده‌کاته بنه‌مایی چاپی خۆی و تێیدا بابه‌‌ت گه‌لی هونه‌ری، سیاسی، ژیانی کۆمه‌ڵایه‌تی، که‌لتوور، ئه‌ده‌بیات و ئابوور جێده‌گرێ.

پاش ئه‌وه‌ی که له ڕۆژی دووهه‌می نه‌ورۆز، ڕۆژنامه‌ی ئازادیا وڵات به تۆمه‌تی «پڕۆپاگه‌نده له چوارچێوه‌ی چالاکیه‌کانی پ.ک.ک و وروژاندنی خه‌ڵک بۆ ئه‌نجامی تاوان(دژ به ئاسایشی نه‌ته‌وه‌ی تورکیا)» بۆ ماوه‌ 20 ڕۆژ داخرا، ئه‌مجاره «ده‌نگی وڵات» ده‌ست به وه‌شان ده‌کات.

شایانی باسه که له باکووری کوردستان، دوابه‌دوایی داخرانی هه‌ر ڕۆژنامه‌، گۆڤار، ڕێکخراوه‌ و یا کۆمه‌ڵێکی کوردان، یه‌کجێ، به‌ ناوێکی به‌هه‌مان شێوه به‌ڵام له سه‌ر هه‌مان ڕوانگه و ئامانج، شتێکی نوێ دێته‌ده‌ر. بۆ وێنه به ده‌یان جار ڕۆژنامه‌ی گونده‌م داخراوه‌ به‌ڵام دیسانیش بۆ جاره‌کانی تر هه‌مان ئه‌کیپ به ناوگه‌لی تر وه‌کو «گونده‌می نوێ، گونده‌می ئێستا، گونده‌می وڵات، گونده‌می هتد، بڵاوکراوه‌ته‌وه.

DTP خوازیاری هه‌ڵبژاردنی سه‌رکۆماری تورکیا له لایه‌ن خه‌ڵکه‌وه‌یه

مانشێت نیوز، باکووری کوردستان: پارتی کۆمه‌ڵگایی دێموکراتیک پاش کۆتایی هاتنی یه‌که‌م دانیشتنی مه‌جلیسی باڵای پارته‌که‌یان ڕایگه‌یاند که پێویسته سه‌رکۆماری تورکیا له لایه‌ن خه‌ڵکه‌وه هه‌ڵبژێدرێ و که‌سێک بێ که سه‌رجه‌م هاوڵاتیان به یه‌کسان بزانێ.

پارتی کۆمه‌ڵگایی دێموکراتیک له به‌یاننامه‌یه‌کی نوسراو دا پاش ئه‌نجامی کۆبوونه‌وه‌ی مه‌جلیسی باڵایی پارته‌که‌یان ڕایگه‌یاند که پێویسته سه‌رۆکایه‌تی کۆمار له تورکیا به ده‌نگی ڕاسته‌خۆی خه‌ڵک هه‌ڵبژێدرێ و جگه‌له‌مه‌ش ئاماژه‌ی به‌م ده‌سه‌ڵاته به‌رینه‌ی سه‌رۆکایه‌تی کۆمار له تورکیا کرد که پاش کوده‌تایی 12ی ئه‌یلولی 1982 پیی دراوه.

DTP وێڕای نیشاندانی ناڕه‌زایه‌تی خۆی له ڕوانگه‌ی پارته سیاسیه‌کانی ئۆپۆزیسیۆن به‌م هۆیه‌ که ده‌یانه‌وێ هه‌ڵبژاردنی سه‌رکۆمار له 12ی نیسانی داهاتوو دا وه‌کو قه‌یرانێک بۆ تورکیا ناوزه‌د بکه‌ن وتی: پێویسته پارله‌مان بێ ئه‌وه‌ی گووشار و هه‌ڕه‌شه‌کانی ده‌ره‌وه شوێنی له سه‌ر دابنێن، به سه‌ربه‌خۆیی ته‌واوه‌وه و به ئاوایه‌کی دێموکراتیک، که‌سێکی بێ لایه‌ن و پشتیوانی مافی هه‌موو هاوڵاتیانی تورکیا وه‌کو سه‌رکۆمار هه‌ڵبژێرێ.

نزیک به دوو هه‌فته‌ی تر، پارله‌مانی تورکیا له 4.5 ساڵ له‌مه‌وبه‌ر هه‌ڵبژێردراوه، سه‌رکۆماری نوێ دیاری ده‌کات و پارتی گه‌لی کۆماری ئۆپۆزیسۆن و پارته‌کانی تریش جه‌خت له سه‌ر ئه‌وه ده‌که‌نه‌وه که نابی ئه‌ردۆغان و یا که‌سێکی تر له پارتی دادوگه‌شه‌ ئیسلامی وه‌کو سه‌رکۆماری نوێی تورکیا هه‌ڵبژێردرێ.

شایانی باسه که تاقمێک له ڕاپرسیه‌کانی پارتی ده‌سه‌ڵات داری ئه‌ردۆغان و ته‌نانه‌ت ڕاپرسیه‌کانی تریش باس له‌وه ده‌که‌ن که مه‌یلی کوردان بۆ هه‌ڵبژێرانی پارتی ئیسلامگه‌رایی دادوگه‌شه‌ی ئه‌ردۆغان زۆرتره تا لایه‌نه‌کانی تر.

تورکیا گرێبه‌ستی کرینی 50 هیلیکۆپته‌ری شه‌رکه‌ری له‌گه‌ڵ ئیتالیا مۆرد کرد

مانشێت نیوز، ناوه‌ندی هه‌واڵ: له مامه‌ڵه‌یه‌کی 4 میلیارد دۆلاری دا، پاس 12 ساڵ سه‌ره‌نجام ئه‌رته‌شی تورکیا گرێبه‌ستێکی له‌گه‌ل کۆمپانیه‌کی هیلیکۆپته‌ر سازی ئیتاڵی به‌ست، تا 50 هیلیکۆته‌ری پێ بفرۆشێ.

له مامه‌ڵه‌یه‌کی 4 میلیارد دۆلاری دا، ئه‌رته‌شی تورکیا خوازیاری کڕینی 50 هیلیکۆپته‌ری شه‌رکه‌ر به ته‌کنه‌لۆژی باڵابوو و سه‌ره‌نجام ئیتالیا وه‌کو کۆمپانی فرۆشیار له 4 وڵاتی فه‌ره‌نسه، ئه‌فریقایی باشوور، ئه‌مریکا گرێبه‌ستێکی له‌گه‌ڵ تورکیا مۆر کرد.

کۆمپانیه‌کی ئیتالی، به‌ڵێنی دا که وێڕای فڕۆشتنی 50 فڕۆکه‌ی شه‌ر که‌ر به ته‌کنه‌لۆژی بالا و ترانسفێری زانسته‌که بۆ تورکیا، گرێبه‌سته 4 میلیارد دۆلاریه‌که‌ی بردوه‌وه و  به‌م زوانه ده‌ست به ته‌حویلی یه‌که‌م هیلیکۆپته‌ره شه‌رکه‌ره‌کان ده‌کات به‌ ئه‌رته‌شی تورکیا.

ئه‌م هێلیکۆپته‌رانه له جۆری A-129 ی شه‌رکه‌ر به توانایی فڕینی به‌راوه‌ژوو وبه‌ره‌وه خوار و هه‌ڕوه‌ها توانایی ئاگری یه‌کجار زۆر به‌هێزه و کۆمپانی ئه‌گۆستۆ، وێستله‌ندی ئیتاڵی به‌رهه‌می دێنێ.

شایانی باسه که پێشتر، فه‌ره‌نسه به‌م هۆیه که پشتیوانی له لۆبی ئه‌رمه‌نی ده‌کات و ژینۆسایدی ئه‌رمه‌نه‌کانی به فه‌رمی ناسیوه و دژ به هاتنی تورکیا بۆ یه‌کێتی ئه‌ورووپایه، ئه‌مریکا و کۆمپانی بوینگ به‌ هۆی ئه‌وه که نه‌یده‌ویست ترانسفه‌ری ته‌کنه‌لۆژی فڕۆکه‌ی شه‌رکه‌ر بداته تورکیا و ئه‌فریقایی باشوور به هۆی ڕه‌خنه‌ی به‌ڕده‌وامی له دۆزی مافی مرۆڤ له تورکیا، له مه‌یدانی مامه‌ڵه‌ی کڕینی 50 فڕۆکه‌ی سه‌رکه‌ر له لایه‌ن تورکیاوه چووبوونه‌ده‌ر.

سه‌ره‌ڕای شاردنه‌وه‌ی به‌رپرسان، له سه‌قز نان، ده‌ست ناکه‌وێ

مانشێت نیوز، ڕۆژهه‌ڵاتی کوردستان: سه‌ره‌رای ئینکار و شاردنه‌وه‌ی به‌رپرسانی ره‌ژیم، بۆ جاری دووهه‌م، نوێنه‌ری ئه‌م شاره له پارله‌مانی ئێران ئاشکرایی کرد که له سه‌قز نان ده‌ست ناکه‌وێ.

«فه‌خره‌دین حه‌یده‌ری» له دیداری نه‌ورۆزی خه‌ڵکی سه‌قز دا وتوویه‌تی که جیره‌به‌ندی کردنی نان له‌ سه‌قز خه‌ڵکی تووشی کێشه کردووه و به‌م هۆیه که خواردنی سه‌ره‌کی خه‌ڵک له سه‌قز نانه، 3 نان بۆ یه‌ک نه‌فه‌ر له رۆژ دا که‌مه.

له وه‌رزی زستانیش دا به کرده‌وه، نان،. به‌نزین، سوته‌مه‌نی و خواردمه‌نیه سه‌ره‌تایی و پێویسته‌کان له شاری سه‌قز جیره‌به‌ندی کرابوو و خه ڵک به‌م هۆیانه ناڕه‌زایه‌تیان نیشاندابوو.

ئه‌وه له کاتێک دا که به گوێره‌ی شارنیوز، فه‌رمانداری شار و پارێگاری کوردستان ڕه‌تیده‌که‌نه‌وه که دانیشتوانی ئه‌م شاره تووشی کێشه‌یه‌کی له‌م شێوه بن.

موهه‌ته‌دی: دوو گرووپی جیاواز هه‌‌بوو ، گرووپێکی ئایینی و (ئه‌وی تر) سێکۆلار و گه‌ریلایی چه‌پگه‌را، نفوزیان هه‌بوو له‌م کات دا. خه‌ڵک بیری ده‌کرده‌وه که ئه‌م گرووپانه، ته‌نیا ڕێگه‌ن بۆ کۆتایی هاتن به دیکتاتۆری. زۆربه‌ی هه‌ره‌ زۆری ڕۆشنبیره‌کان و خوێندکاران و چالاکانی سیاسی پێوه‌ستی ئه‌مان(دوو لایه‌نه‌که) بوون.  ئه‌وه‌ش ئێمه‌ی ناچار کرد بۆ ئه‌نجامی شتگه‌لێک بۆ گه‌ل، شێوازێک له تیۆرێکی سیاسی بۆ سه‌رهه‌ڵدان(ئینقلاب).

م.ج.ت: ئێوه‌ سه‌باره‌ت به پژاک(باڵی ئێرانی پارتی مارکسیست- لێنینیستی کرێکارانی کوردستان، پ.ک.ک له تورکیا) چۆن بیرده‌که‌نه‌وه؟ ئایا ئه‌مان له‌م به‌شه‌ن له‌م خه‌ڵکه‌ی که ئێوه‌ باستان کرد؟ یا خود ئه‌وان،  پاپیوله‌ر(گشتگیر)ترن له‌م یه‌که‌ش؟

موهه‌ته‌دی: نا، نا ، نا. ئه‌وان گشتگیر نین. ئه‌وان به‌شێکن له پ.ک.ک. کاتێک سنور ده‌ڕباز ده‌که‌ن(سنووری تورکیا)، ناوه‌که‌یان ده‌گۆڕن.

کێشه‌ له‌گه‌لک پ.ک.ک‌یه…مه‌به‌ستم. گه‌لی زه‌حمه‌تکێشی کورد، هه‌ر مافێکی هه‌یه تاکور شه‌ر و به‌ڕبه‌ڕه‌کانی بکات، بۆ گه‌یشتن به ئازادی. به‌ڵام پ.ک.ک، ڕێکخراوێکی باوه‌ڕپێکراو و جێگه‌ی متمانه نیه. ئه‌وان گه‌لێک توندڕۆن له هه‌ستی نه‌ته‌وه‌ په‌رستیان دا.(ناسیۆناڵیستی فاناتیک). له بنه‌ما دا زۆر نادێموکراتن و هیچ پڕه‌نسیپێکیان نیه. یانی ئه‌وان ده‌توانن ته‌نانه‌ت له‌گه‌ڵ شه‌یتانیش  مامه‌ڵه‌ ده‌که‌ن و پێکدێن. ئه‌وان ده‌توانن هێرش بکه‌نه سه‌ر کوردانیش.

م.ج.ت: ئه‌وان پێشتر هێرشی کوردانیان کردووه.

موهه‌ته‌دی: به‌ڵێ. ئه‌وان هێرشیان کردۆته سه‌ر کوردان. ئه‌وان هێرشی زۆرتریان کردۆته سه‌ر کوردان تا ده‌گا به تورکیا. کاتێک ئێوه مێژووی پارتی کرێکارانی کوردستان ده‌خوێننه‌وه، ده‌بینن که ئه‌وان دژایه‌تی هه‌ر چه‌شنه جوڵانه‌وه‌یه‌کی سه‌ربه‌خۆ و ته‌نیایی کورد له سه‌رجه‌م پارچه‌کانی کوردستان ده‌که‌ن. له هه‌مان کاتیش دا، ئه‌وان پێوه‌ندی باش و دۆستانه‌یان هه‌یه له‌گه‌ڵ (حکومه‌تی )سه‌رجه‌م ئه‌م وڵاتانه‌ی که کوردی تێدا ده‌ژیت، له‌م وڵاتانه‌ی که کورد تێیدا، زوڵمی لێده‌کرێ و ئازار ده‌درێ.

ئه‌‌وان(پ.ک.ک)، له‌گه‌ڵ «حافز ئه‌سه‌د» له سوریا، ڕه‌ژیمی «خومه‌ینی» له ئێران، پێوه‌ندی و دۆستایه‌تیان هه‌بووه. ئه‌وان پشتیوانی سه‌ددامیان کردووه له ساڵی 1996 دا.

م.ج.ت: که‌وابوو، به‌ڕاستی تورکیا ته‌نیا وڵاتێکه که ئه‌وان پێوه‌ندی باشیان له‌گه‌ڵی نیه.

موهه‌ته‌دی: به‌ڵێ

ڵاسوێڵ: به‌ڵام ئه‌وان هیچی تریان جگه له شاخه‌کان نیه و ته‌نیا وه‌کو هێزێک که‌ڵک له شاخ وه‌ڕده‌گرن.

موهه‌ته‌دی: به‌ڵێ. ئه‌وان زۆر ته‌ماحکارن.

ڵاسوێڵ: ئه‌و که‌سانه‌ی که له خواره‌وه‌ی جاده‌که‌ن(مه‌به‌ست له‌م که‌سانه، به‌شی دابڕاوی حیزبی کۆمۆنیسته :حیزبی کۆمه‌ڵه) ده‌ڵێن که پ.ک.ک پاره‌ی زۆری هه‌یه.

موهته‌دی: ڕاسته. هه‌یانه.

م.ج.ت: ئه‌وان ئه‌م پاره‌یه‌ له کوێ دێنن؟ ئه‌وان(پ.ک.ک) ئه‌م پارانه له‌م ڕه‌ژیمانه وه‌رده‌گرن(ئێران، سوریا و عێراق)؟

موهته‌دی: کۆمه‌ڵگایی کوردی-تورکی له ئه‌ورووپا ڕێژه‌یه‌کی زۆریان هه‌یه. وه‌کو کوردانی باشوور نین که ته‌نیا چه‌ند هه‌زار که‌سن، به‌ڵکو ئه‌وان(لکوردانی باکوور له ئه‌ورووپا)، ده‌یان هه‌زار و به میلیۆن که‌سن، پ.ک.ک له‌م خه‌ڵکه، ماڵیات(یارمه‌تی) ده‌ستێنێ. ئه‌ان به زۆری ئه‌م یارمه تیه له خه‌ڵک ده‌ستێنن. کوردان له ئه‌ورووپا له هه‌ر ئیشێک کار بکه‌ن، ناچارن که یارمه‌تیان بده‌ن.

م.ج.ت: که‌وابوو، ئه‌وان (پ.ک.ک) مافیایه‌کن له ئه‌ورووپا.

موهته‌دی: به‌ڵام. منیش له سه‌ر ئه‌م بڕوایه‌م. به‌داخه‌وه، به‌م شێوه‌ن(مافیان). ئه‌وان بنکه‌یان له خاڵه سنووریه‌کانی نێوان ئێران و تورکیا هه‌یه. ئه‌وان هاوکاری خه‌ڵک ده‌که‌ن بۆ قاچاغ و له‌ به‌رانبه‌ریش دا پاره‌یان لێده‌ستێنن. ئه‌وه‌ش سه‌رچاوه‌یه‌که‌ی مه‌زنی ئابووریه.

ئایدیالۆژی پ.ک.ک، تێکه‌ڵێکه له ستالێنینیسم، عه‌شیره‌گه‌رایی کوردی و باوکسالاری(پاتریارشالیسم) .

م.ج.ت: من وا بیر ده‌که‌مه‌وه که ئه‌وان دژ به عه‌شیره‌تگه‌رایین.

موهته‌دی: ئه‌وان که‌ڵکیان له که‌لتووری عه‌شیره‌یی وه‌رگرتووه. ئه‌وان ته‌له‌فۆنی مۆبایلیان هه‌یه، بێ سیمیان هه‌یه، بنکه‌ی سه‌ته‌لایتیان هه‌یه. به‌ڵام من له سه‌ر ئه‌م بڕوایه نیم که به مانایی ڕاسته‌قینه‌ی خۆی، پارتێکی مۆدێرن بن. وه‌کو مافیان. مافیا له هه‌ست و سیما دا مۆدێرنه. به‌ڵام مافیا که‌ڵک و به‌هره‌ی له که‌لتووری چاخی ناوینی ئیتالیا وه‌رگرتووه. پێوه‌ندی بنه‌ماڵه‌یی و خزم و که‌سی. وه‌فاداری خانه‌واده‌یی.

پ.ک.ک شه‌ری له‌گه‌ڵ تورکیا ده‌سپێنه‌کرد تاکو سه‌ڕجه‌م پارت و بزووتنه‌وه‌کانی تری کوردی له باکووری کوردستان له‌ مه‌یدان به‌ده‌ڕ نه‌کرد و که‌ش و هه‌وایه‌کی مۆنۆپۆلی(تاک ڕوانگه‌یی) ساز نه‌کرد.

م.ج.ت: گه‌لۆ ئێوه هیج پێوه‌ندیه‌کتان به پ.ک.ک‌وه هه‌یه؟

موهته‌دی: به‌ڵێ هه‌مانه. ئێمه پشتیوانیه‌کی مه‌عنه‌ویان لێده‌که‌ین. به‌ڵام ئێمه به‌رده‌وام مه‌رجگه‌لێکمان هه‌یه. جار هه‌یه، ئه‌وان ده‌که‌ونه ژێر گووشاری کورده‌کانی عێراق و ئێمه‌ش هه‌وڵمان داوه که له ناویان دا نێوبژیوانی بکه‌ین. ئێمه به‌ڕده‌وام یارمه‌تیان ده‌که‌ین به ڕێزه‌وه. به‌ڵام ئێمه‌ به‌م قه‌ناعه‌ته گه‌یشتووین که پ.ک.ک جێگه‌ی متمانه نیه. ئه‌وان هیچ پره‌نسیپێک، دۆستایه‌تیه‌ک، کۆنتراست و به‌هایه‌کیان نیه. به‌ڵکو ئه‌وه‌ قه‌زاوه‌تێکی توند و ویشک بێت که من ده‌یکه‌م، به‌ڵام …

م.ج.ت: باشه من له‌گه‌ڵ بۆچوونه‌که‌ی ئێوه‌م. به‌ڵام له سه‌ر ئه‌م بڕوایه‌ نیم که به توندی بزانم. به‌ڵکو ته‌او وه‌کو یه‌ک نه‌بن. به‌ڵام من وا بیر ده‌که‌م که ئه‌و بۆچوونه ڕاسته.

موده‌ڕڕه‌سی: ئه‌وان قه‌ت بڕوایان به پلۆرالیسم نه‌بووه.

موهه‌ته‌دی: پ.ک.ک له ژێر ناوی بزوتنه‌وه‌ی کوردی هه‌وڵی له‌ناوبردنی (له مه‌یدان به‌ده‌ر کردنی)هه‌ر که‌س ده‌دات.

م.ج.ت: ئه‌وه من دێنێته سه‌ر ئه‌م ڕوانگه‌یه که ئه‌وان وه‌کو مافیان. به‌ڵام ئه‌وان ناوێکیان له‌سه‌ره که به چه‌پگه‌را ناسیاویان ده‌کات.

موهته‌دی: ئه‌وان تاقمێک ئیده و مێتۆدی سازمانیان له بیرۆکه‌ی چه‌پ گرتووه.  به‌ڵام ته‌نیا وه‌کو که‌ره‌سه‌یه‌ک. ئه‌وان ژێنی ڕاسته‌قینه‌ی چه‌پیان له ناوه‌ڕۆک دا نیه. من ده‌ڵێم، که ئێوه‌ مومکینه چه‌پی‌ بن. هه‌رچی بێ، تاقمێک به‌ها هه‌ن.

م.ج.ت: ڕاسته. تێده‌گه‌م.

ڵاسوێڵ: له ویلایه‌ته یه‌کگرتووه‌کانی ئه‌مریکا ڕێکخستنێکی سه‌ره‌تایی بزووتنه‌وه‌ی «دژه شه‌ر» هه‌یه که ناوی «ئه‌نسوێر ئه‌کت»یان لێناون و خوازیاری کۆتایی شه‌ر و ڕاشیزمن.

م.ج.ت: ئه‌وان هه‌موو به‌هاکانی چه‌پیان له‌ده‌ست داوه. ئه‌وان پشتیوانی له کۆریایی باکوور ده‌که‌ن. بۆ خاتری خودای!

موهه‌ته‌دی: چۆن ده‌بێت که ئه‌وان پشتیوانی له کۆریایی باکوور بکه‌ن، ئه‌وان خۆ مارکسیست نین. ته‌نیا جۆرێک له ئایینێکی سێکۆلارن.

ڵاسوێڵ: ئه‌و مۆناڕشیه‌کی برسیه.

موهته‌دی: (به پێکه‌نینه‌وه) به‌ڵێ. به‌ڕاستی. له ساڵی 1983 ئێمه حیزبی کۆمۆنیستی ئێرانمان دامه‌زراند. به‌ڵام دواییی ساڵه‌ها ئێمه‌ زانیمان له هه‌ڵه‌مان کردووه. ئێمه‌ ڕه‌خنه‌مان لێده‌گرتن و لێیان جیا بووینه‌وه. ئه‌ویش چه‌ند ساڵی پێچوو. ئه‌ویش نه‌ ته‌نیا وه‌کو ئه‌وه‌ی ئێستا. (قامکه‌کانی گرێدا)

م.ج.ت: به کورتی پێم بڵێب ئێوه بۆ جیابوونه‌وه(له حیزبی کۆمۆنیستی ئێران)؟

موهته‌دی: به زۆر هۆکاره‌وه

م.ج.ت: ئایا مه‌به‌ستتان ئه‌و حیزبه‌یه که له خواره‌وه‌ی جاده‌که‌یه؟(بنکه‌ی کۆمه‌ڵه له باشووری کوردستان. ڕێنێسانس)

موهته‌دی: (به پێکه‌نینه‌وه)، به‌ڵێ، ئێستا حیزبێکی پیسه. وه‌کو پێشوو نیه.

ڵاوسێڵ: وادیاره که ئه‌وان توندی  کۆنترۆڵێکی ئایدیالۆژیکیان هه‌یه. ئه‌وان له ئاستی بڕواکانیان دا زۆر محکه‌م ونه‌گۆڕن. وا هه‌ست ده‌که‌ی که ئێوه له‌مان به‌هێزتر ده‌بن؟

موهته‌دی: به‌ڵێ ئه‌ان زۆر دۆگماتیستن. ئه‌وان کورته بیرن.

م.ج.ت: مه‌به‌ستتان کورته فکری ئایدیالۆژیکه؟(سێکتاریستی ئایدیالۆژیک)

موهته‌دی: به‌ڵێ، کورته‌فکری ئایدیالۆژیک. ئه‌وان پێوه‌ندیه‌کانیان له‌گه‌ڵ کۆمه‌لگا پچڕاوه. ئه‌ان دژ به بزووتنه‌وه‌ی کوردین. ئه‌وان دوژمنایه‌تی بزوتنه‌وه‌ی کوردی ناکه‌ن، به‌ڵام هیچ سه‌مپاتیه‌کیان بۆی نیه.  ئه‌وان هیچ لایه‌نگریه‌کیان له بزوتنه‌وه‌ی دێموکراتیک له ئێران نیه و کاتی ئه‌وه هاتووه که شێوازێک له چه‌پ، فڕێ بدرێ.  ئه‌وه بڕوایی ئێمه‌ بوو له کۆتاییه‌کانی ده‌یه‌ی 1980 و سه‌ره‌تایی نه‌وه‌ته‌کان. هه‌ر ئه‌وه‌ش بوو به هۆی لێکدابڕانمان.

ئێمه حیزبی کۆمه‌ڵه‌ی کوردستانی ئێرانمان زیندوو کرده‌وه و ئێستاش پێوه‌ندی و نزیکایه‌تی باشمان هه‌یه له‌گه‌ڵ سوسیال دێموکراسی ئه‌رووپی.

م.ج.ت: گه‌لۆ ئێوه ئه‌ندامێکی «ئه‌نته‌رناسیۆناڵ سۆسیالیستن»؟

موهته‌دی: نه‌ ئه‌ندامی ته‌واو. ئێمه داواکاری ئه‌وه‌مان کردووه. به‌ڵام ئێمه ئه‌ندامی گرووپی کوردان له ڕێکخراوی «ئه‌نته‌رناسیۆنال سۆسیالیستین».

م.ج.ت:ئه‌گه‌ر من ئێوه‌ وه‌کو «سوسیال دێموکرات» ناو ببه‌م، به‌هه‌ڵه‌ نه‌چوومه؟ ڕاسته؟

موده‌ڕره‌سی: ئێمه ناڕه‌حه‌ت نابین.(به پێکه‌نینه‌وه)

موهته‌دی: ئێمه تا ئێستا ته‌سمیمی ئه‌وه‌مان نه‌گرتووه که ئه‌و ناوه به‌کاربێنین یان نا.  به‌ڵام ئێمه بۆ به‌ها دێموکراتیکه‌کان، بۆ ئازادیه‌کانی سیاسی و دینی، سێکۆلاریسم و پلۆرالیزسم، فێدراڵیسم ، یه‌کسانی ژن و پیاو، مافی کوردان و عه‌داڵه‌تی کۆمڵایه‌تی خه‌بات ده‌که‌ین. ئێمه‌ بۆ هێنانه‌دی یاسایه‌کی باش بۆ کرێکاران، سه‌ندیکایی کرێکاران، خه‌بات ده‌که‌ین. عۆنسۆره‌کانی بیرۆکه‌ی جه‌پ له پڕپگرامی سیاسیمان دا ئه‌مانه‌ن.

م.ج.ت: ئێوه‌ وادیاره که له‌سه‌ر ڕێگه‌ی ڕاستی چه‌پ ده‌رۆن.

موهته‌دی:  به‌ڵام من وه‌کو چه‌پێک و وه‌کو کوردێک، وا بیر ده‌که‌م که  چه‌پی به پێوه‌ند و تێکه‌ڵوی گرووپه ئیسلامیه‌کان و که‌سێک وه‌کو سه‌ددام حوسێن به‌دناو بووه. چه‌پ بوون، ژێنی چه‌پی هه‌بوون ده‌بی به‌ مانایی پارێزگاری و پشتیوانی ڕاسته‌قینه له دێموکراسی  و مافه سیاسه‌کان و ئازادی سیاسی بێت. سه‌رنگون کردنی دیکتاتۆره‌کان گرینگ نیه، ئه‌گه‌ر ئه‌مریکا دژی بێت  یا نه‌بێت.

به سپاسه‌وه:

مایکێڵ تۆتن

Michael Totten

P.O. Box 312

Portland, OR 97207-0312

ڕێکخراوی ڕۆژنامه‌وانانی بێ سنوور، دیسان گرتنی ڕۆژنامه‌وانه کورده‌کانی ئیدانه کرد

مانشێت نیوز، ناوه‌ندی هه‌واڵ: ڕێکخراوی ڕۆژنامه‌وانانی بێ سنوور له ڕاگه‌یاندراوێک دا دیسانیش ئیدانه‌ی ده‌زگیر کرانی ڕۆژنامه‌وانان، به تایبه‌ت رۆژنامه‌وانانی کوردی کرد.

به گوێره‌ی ڕاپۆرتی ڕێکخراوه‌که، مه‌نسور ته‌یفوری، ڕۆژنامه‌وانی کورد و عه‌لی فه‌ره‌حبه‌خش و محه‌ممه‌ف باقر عه‌بباسی، له رۆژنامه‌وانانی گیراون و ده‌نووسی که عه‌لی فه‌ره‌حبه‌ش به تۆمه‌تی سیخوڕی به سێ ساڵ زیندان و 69 هه‌زار دۆلار جه‌ریمه مه‌حکووم کراوه و محه‌ممه‌د باقر عه‌بباسیش به تۆمه‌تی سووکایه‌تی به پێغه‌مبه‌ڕی موسولمانه‌کان، ده‌زگیر کراوه.

ڕێکخراوی رۆژنامه‌وانانی بێ سنوور سه‌باره‌ت به ڕۆژنامه‌وانی گیراوی کورد، مه‌نسوور ته‌یفووریش ده‌نووسێ: ناوبراو که ڕۆژنامه‌وانی هه‌فته‌نامه‌ی ئاشتی بوو، 19 ڕه‌شه‌ممه‌ی 85 له مه‌ریوان ده‌زگیر کراوه و ڕێکخراوه‌که خوازیاری ئازادکردنی گیراوان و کۆتایی هێنان به ئازاری ڕۆژنامه‌نووسانه.

کۆردیناتۆری تورکیا بۆ پ.ک.ک: تاڵه‌بانی وبازرانی پشتیوانی له پ.ک.ک ده‌که‌ن

مانشێت نیوز، باکووری کوردستان: «ئه‌دیب باشه‌ر» کۆردیناتۆری تورکیا بۆ کاروباری پ.ک.ک له واشنتۆن گوتی که بارزانی و تاڵه‌بانی سه‌ره‌رایی حاشاکردنیان، پشتیوانی و یارمه‌تی پ.ک.ک ده‌که‌ن.

ژه نه‌راڵی خانه‌نشین «ئه‌دیب باشه‌ر» که له لایه‌ن تورکیاوه وه‌کو کۆردیناتۆری ئه‌م وڵاته بۆ کاروباری پ.ک.ک ده‌ستنیشان کراوه، له واشنتۆن له دیداری هاوتایی ئه‌مریکی خۆی دا ڕایگه‌یاند که به‌لگه‌یان به ده‌سته‌وه‌یه که نیشان ده‌دات، بارزانی و تاڵه‌بانی سه‌ره‌رایی حاشاکردنیان پشتیوانی له پ.ک.ک ده‌که‌ن.

باشه‌ر له کاتێک دا ئه‌م لێدوانه‌ی دا که جه‌لال تاڵه‌بانی به ئه‌ردۆغانی وتبوو که «دوژمنی ئێواه، دوژمنی ئێمه‌شه و مه‌به‌ستی له پ.ک.ک بوو، به‌ڵام باسه‌ر ده‌ڵێ جگه له کورده‌کان، له جه‌ندین وڵاتی ئه‌ورووپیش ڕا پشتیوانی و یارمه‌تی بۆ پ.ک.ک ده‌چێت.

مه‌سعود بارزانی، ماوه‌یه‌ک له‌مه‌وبه‌ر له لێدوانێکی توند و جیددی دا، داوایی له تورکیا کردبوو که ئه‌گه‌ر به‌ڵگه‌ سه‌باره‌ت به پشتیوانی خۆی و پارته‌که‌ی و حکومه‌تی هه‌رێم له پ.ک.ک هه‌یه، بیخه‌نه ڕوو. به‌ڵام وتبووشی سه‌ره‌رایی پشتیوانی نه‌کردن، به هیچ شێوه شه‌ریش له‌گه‌ڵ پ.ک.ک ناکه‌ن.

تاڵه‌بانی به ئه‌رۆغان: وه‌رنه که‌رکووک لێکۆڵینه‌وه بکه‌ن، دوژمنی ئێوه دوژمنی ئێمه‌شه

مانشێت نیوز، تایبه‌ت: بۆ یه‌که‌م جار له کاتی هه‌ڵبژێرانی بۆ سه‌رکۆماری دا، له میانه‌ی کۆنگره ولاتانی عه‌ره‌بی دا، مام جه‌لال و ئه‌ردۆغان یه‌کتریان بینی و له دیداره‌که‌دا باس له کێشه‌ی که‌رکووک و پ.ک.ک کرا.

مێدیاکانی تورکیا ناوه‌رۆکی دیاری تاڵه‌بانی و ئه‌ردۆغانیان ئاشکرا کرد و وتیان که تاڵه‌بانی پێشنیاری داوه، تورکیا وه‌فدێک بنێرێته که‌رکووک تا لێکۆلینه‌وه له به‌ڵگه‌کانی پێوه‌ندیدار به ناسنامه‌‌ی دانیشتوانی ئه‌م شاره  ودێموگرافی که‌رکووک بکات و هه‌روه‌ها سه‌باره‌ت به پ.ک.ک‌ش وتوویه‌تی که دوژمنی ئێوه، دوژمنی ئێمه‌شه.

ئاژانسی مانشێت ده‌قی دیالۆگه‌کانی نێوان بارزانی وتاڵه‌بانی بڵو ده‌کاته‌وه:

  • مام جه‌لال:  ئێمه ده‌بیسینه‌وه که له ناوخۆی تورکیا و له مێدیاکانیش، زۆر به ناحه‌زی وبه توندی دژ به ئێمه ده‌دوێن، ئه‌نقه‌ره، ئێمه ده‌عوه‌ت ناکات چونکه کوردین.
  • ئه‌ردۆغان: گرینگ نیه، خه‌لک یا مێدیاکان چی ده‌ڵێن، من سه‌رۆکوه‌زیری ئه‌م وڵاته‌م و ئه‌وه‌ی من ده‌یڵێم گرینگه. کاتێک ئێوه نه‌خۆش که‌وتن و له نه‌خۆشخانه بوون، یه‌که‌م که‌سی که پێوه‌ندی پێوه‌گرن کێ بوو؟
  • مام جه‌لال: ڕاسته. ئێوه‌ بوون و زۆر سپاستان ده‌که‌م.
  • ئه‌ردۆغان: ئێوه‌‌ش حه‌ساسیه‌تی گه‌ل و ده‌وڵه‌ته‌که‌مان سه‌باره‌تبه که‌رکووک و گۆڕینی دێموگرافی ئه‌م شاره ده‌بینن؟ چاره‌ چیه؟
  • مام جه‌لال: ڕاسته. ئاگادارین. به‌ڵام من پێشنیار ده‌که‌م که تورکیا وه‌فدێک بنێرێته که‌رکووک تا لێکۆڵینه‌وه له سه‌ر تاپۆی(به‌ڵگه‌ی دانیشتوانی شار، کۆلکه‌ی سجیل)ی دانیشتوانی شاره‌که بکات، تا ڕاستیه‌کانی بۆ ده‌رکه‌وێ. ئه‌سلی تاپۆکان له به‌غدان و گۆرینیان مومکین نیه. یانی دێموگرافی شار نه‌گۆڕدراوه. وه‌فدێک له ئێوه ده‌توانن بێن و لێکۆڵینه‌وه بکه‌ن. کۆنسوڵۆسی ئێوه له موسڵیش ده‌توانێ ئه‌م کاره بکات.
  • ئه‌ردۆغان: سه‌باره‌ت به کێشه‌ی پ.ک.ک، ئه‌مه‌ش ئێمه‌ی زۆر خستۆته ناره‌حه‌تیه‌وه.
  • مام جه‌لال: دوژمنی ئێوه(پ.ک.ک) دوژمنی ئێمه‌شه. من هیوادارم که به دیالۆگ هه‌موو کێشه‌کانمان چاره‌سه‌ر بکه‌ین.
  • ئه‌ردۆغان: هیوادارم.

قه‌یرانی دیپلۆماتیک، به هۆی گیرانی مه‌له‌وانه ئینگلزیه‌کان، بۆنی پێکدادانی سه‌ربازی لێدێت

مانشێت نیوز، رۆژهه‌ڵاتی کوردستان: گیرانی 15 مه‌له‌وانی هێزی ده‌ریایی ئینگلیز، له شه‌تی عه‌ره‌بی، به هاتنی سێهه‌مین که‌شتی فڕۆکه هه‌ڵگری ئه‌مریکا، فڕینی فڕۆکه‌ جه‌نگیه‌کانی ئینگلزی به سه‌ر کۆنسوڵخانه‌ی ئێران له موسل و ئه‌گه‌ری محاکمه کردنی گیراوان له ئێران، کێسه‌که به‌ره‌وه ئاقارێکی ترسناک ده باته‌ پێش.

له دواترین گۆڕانکاریه‌کانی پێوه‌ست به گیرانی 15 مه‌له‌وانی هێزی ده‌ریایی ئینگلز له ناو سنووره‌کانی ئاوی باشووری ئێران، فڕۆکه  شه‌رکه‌ره‌کانی ئینگلیز،  به سه‌ر کۆنسوڵخانه‌ی ئێران له به‌سره دا ده‌خولێنه‌وه و مانۆر ده‌ده‌ن. ئێرانیش ده‌ڵێ ئه‌گه‌ری دادگایی کردنی گیراوه‌کان هه‌یه و به هۆی توندڕۆیشتنی ئنگلیز ئازاد کردنی ژنه مه‌له‌وانه گیراوه‌که‌ش دواکه‌وتووه.

له لایه‌کی تره‌وه، پێنتاگۆن، وه‌زاره‌تی به‌رگری ئه‌مریکا ڕایگه‌یاند که به مه‌به‌ستی پێوه‌ست بوون به ناوگانی هێزی ده‌ریایی ئه‌مریکا له که‌نداوی فارس، ئه‌م وڵاته، که‌ستی فڕۆکه‌هه‌ڵگری «نیمیتز»یش ده‌نێرێته پاڵ دوو ناوی تری «جان سی‌ ئیستینز و ئایزه‌نهاوێر».

ئه‌مریکا ده‌ڵێ که به ناردنی ئه‌م که‌شتیه فڕۆکه هه‌ڵگره ده‌یه‌وێ نیشان بدات که ئه‌مریکا به نیزای به‌رقه‌رار کردنی ئاشتی و ئارامی به‌رده‌وام وهه‌میشه‌ییه له که نداو و هه‌واڵنێری نۆوۆستی ڕووسیش ئیدعا ده‌کات که هاتنی که‌ستی فڕۆکه‌هه‌ڵگری سێهه‌م، به فه‌رمی نیشانه‌ی ئاماده‌سازی ئه‌مریکا بۆ شه‌ری دژ به ئێرانه.

به پێی زانیاریه‌ جاسووسیه‌کان، ئێستا ڕێژه‌ی سه‌ربازانی ئه‌مریکا له که‌نداوی فارس، به ئه‌ندازه‌ی هه‌مان ڕێژه له سه‌ره‌تایی ده‌سپێکی شه‌ری عێراقم له ساڵی 2003 دایه.

مه‌لیک عه بدوڵا پاشای عه‌ره‌بستانیش به ئه‌حمه‌دی نه‌ژادی وتووه که کایه به ئاگر نه‌کات و هێرش و هه‌ڕه‌شه ی ئه‌مریکا زۆر به جیددی بگرێت و چیتریس ده‌ستێوه‌ردان له کاروباری ناوخۆی وڵاتانی ناوچه‌دا نه‌کات و ئێران له‌م هه‌سته نیگه‌تیڤه ڕزگار بکات که وڵاتانی ده‌ورووبه‌ر لێی ده‌روانن.

ئێران ده‌ڵێ که پێویسته ئینگلزی به فه‌رمی داوایی لێبردن بکات، که چیتر به شێوه‌ی نایاسایی سنووره‌کانی ئێران تێنه‌په‌رێنێ و ئینگلزیش ئه‌م داخوازیه‌ ڕه‌تده‌کاته‌وه.

برچسب‌ها: , , , , ,

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: